سؤال تردد كثيرا فى ذهنى ولكن من الواضح أن السؤال سيظل بلا إجابه ...الواقع يفرض علينا أحيانا أشياء بلا داعى فى الوقت الذى نتخلى فيه عن أشياء من الواضح أنها فى بعض الأحيان تكون مهمه , ربما نحتاج أن نندم أحيانا وربما
نحتاج أن نبكى كى نستريح ولكن أين الراحه
علماء النفس عباقره ولكن مشكلتهم الوحيده والأزليه أنهم لايستطيعون الوصول إلى قلوب الناس لأنهم لا يستخدمون الطريقه المباشره ولهذا فالناس تلجئ إلى وسائل أخرى كى ينفثوا عن مكنوناتهم-هذا ما قاله صديقى أوزوريس فى
أحدى الأمسيات الصيفيه فى غرفه نسميها الغرزه وأحيانا نسميها البرج لأرتفاعها
بالطبع هناك من سيقول ما علاقة هذا بالكلام السابق أقول لهم وما هو الكلام السابق حتى نتكلم فيه هل هو كلام بنات أم
كلام نواعم أم كلام رجاله وهى فين الرجاله؟ هكذا تسائل الصديق البيت الأبيض فى أحدى الأمسيات الخريفيه فى غرفه
فوق السطح نسميها المحمصه لأنها حر قوى
قالوا لى أنها بتنزل بالبكينى بس ما أعرفش إذا كان قطعه ولا قطعتين؟ هكذا قال الأخ أوزوريس عن إحدى الزميلات
العزيزات ثم أضاف أنا بصراحه سألته عن مكان الشاليه علشان أرووح أخد شاليه هناك... فهل هذا كلام من الممكن أن يقال فى هذا المكان .... بالطبع لأ
المهم مع أنه لم يعد هناك شئ مهم هل مازال عند أحدكم الرغبه فى الكلام أنا بصراحه مليت الكلام لهذا اعتزر عن تطويلى هذا وأحب أن أختم بمقطوعه موسيقيه تغنى بها الحاج اللى أنا ماعرفوش وهو أمل الشعب المصرى فى التغير الوزارى القادم وهى:
أديك تقول ماخدتش ياناكر الجميل
تشوفنى تقول ما شوفتش متشكرين ياأصيل
كمانجه
كمانجه يا صاحبي بقالك فتره طويله مصاب بالاكتئاب !!
ReplyDeleteمالك في ايه .. صحصح كده
رمضان كريم يا استاذ
انتوك
yaaaaah welcome back :D
ReplyDeletetesada2 ba2a eny mabsouta msh 3arfa leih enak rege3t tany tekteb :)
antika
أنتوك بك:
ReplyDeleteظروف والله ياأنتوك تعرف لما تلاقى نفسك فجأه مش عارف تكتب حاجه لأن كل حاجه ماتستاهلش وفى نفس الوقت أنت حاسس أن كل شئ محبط
ياعنى هو بإختصار إ ك ت ئ ا ب
_________________________________
تورنادو:
مرسى على الكلام الجميل اللى بتقوله
___________________________________
أنتيكه:
بجد مش عارف أقولك إيه غير إنى مش عارف أقول إيه؟
الكلام اللى أنت بتقوليه كلام كبير جدااااااااا
__________________________________
السلامو عليكم
ReplyDeleteطبعا كلامك على عينا وعلى راسنا ياكمانجة
لكن أنا اكتر حاج عجبتنى فى كلامك السؤال اللى سألته
هى فين الرجالة؟؟
السؤال ده أنا كل يوم بسأله لنفسى ولله
ويريت نلاقى احنا الاتنين اجابة
تحياتى
بيتهيألى ان الحاله اللى عندك دى ليها اسم تانى
ReplyDeleteوهو ده اللى بيسموه فى علم النفس عندينا .. التطور الطبيعى للحاجة الساقعة
ReplyDeleteبس لما انت تقول هم فين الرجالة .. تفتكر احنا نقول ايه بقى؟؟؟؟؟؟؟
أديك تقول ماخدتش ياناكر الجميل
ReplyDeleteتشوفنى تقول ما شوفتش متشكرين ياأصيل
nice poem
اية الاكتئاب ده بس يا معلم
ReplyDeleteواديك تقول ما خدتش ده اية ده تبع نظام ما بلاش اللون ده معانا وحبة فوق وحبة تحت
كل سنة وانت طيب
كل حاجة فى البلوج بتاعك مريحة
ReplyDeleteالتصميم .. الكلام .. الموسيقى
كل سنة وانت طيب
رمضان كريم
وأنت بالصحه والسلامه ياصوت السلام
ReplyDeleteوالحاله دى انا عارف اسمها كويس يا يمامه وبلاش نفتح لبعض
يا أخ فنجان بلاش تتكلم انت على الحاجه الساقعه علشان انت سخن قوى وهو بارد قوى
أى خدمه ياعم إهابوف
ياعم ورده السؤال دا ما لوش إجابه
دا مش إكتاب يالميه دا مجرد إحساس بالواقع
نراكم فلا الحلقه القادمه
يا أخى سيب كل واحد يعبر عن مشاعره...
ReplyDeleteهو بيديله والتانى بيقول مخدتش :ي
يبقى فعلاً ناكر للى إسمه إيه ده :ي
بوست حلو
ممكن اكون زيك مزاجنجى ممكن اكون حشاش ممكن اكون بلغه اليومين دول شاب روش بس عايز اقولك على حاجه الدماغ اللى كنا بنعملها كانت هى اللى بتتحكم فينا وبتحركنا وده عيب اوى فى حقنا كبشر بقولك ايه يا صاحبى متيجى نقرب من ربنا شويه ونشوف ده ممكن يفيدنا بأيه؟ حاول
ReplyDeleteعزيزى كمنجه
ReplyDeleteلقد انشئت مدونه مخصوصا كى اتمكن من ان ارسل لك تعلقياتى
اعترف اننى اجلس داخل قمقى حزينه مثلك , اراقب البشر من خلف الزجاج مثلك ,وها انا اتواصل معك عبر حروف الكترونيه كالعاده هى دائما , اتعجب كيف اننا نشعر بالحروف وبالموسيقا ولا يستطيع من نهواه ان يشعر بالحب داخلنا ؟هل اصبح ذلك مطلبا مستحيلا؟
عزيزى كمنجه ...لقد خانتنى كلماتى معك ...فانا امام كلماتك اشعر بالعجز بفقدان النطق .....
وتلك الموسيقى تشعرنى بعمق حبك ,,,وحزنك ...فاعجز للمره الالف امام تلك الدموع التى تذرفها الكمنجه